បុរសពីរនាក់នាំគ្នាទៅទិញសេះ តែកន្លែងលក់អស់សេះក៏បង្ខំចិត្តទិញអូដ្ឋ ។ ទាស់តែពួកគេ អត់យល់អ្វីពីអូដ្ឋសោះ ។ អ្នកលក់អូដ្ឋ និយាយប្រាប់ ៖

 - អូដ្ឋដឹកទំនិញលើខ្នងបានច្រើនជាងសេះ។ ប៉ុន្តែបើចង់ឱ្យវាដើរបានឆ្ងាយ និងមានកំលាំង កំហែងគ្រប់គ្រាន់ សំរាប់ការដឹកជញ្ជូន ត្រូវឱ្យវាផឹកទឹកឱ្យឆ្អែតសិន ។

បុរសទាំងពីរងក់ក្បាលដឹកអូដ្ឋចេញទៅ។ លុះដើរដល់ស្រះទឹកមួយ ពួកគេបញ្ឈប់ដំណើរទាញ អូដ្ឋចុះផឹកទឹក តែវាមិនព្រមផឹកសោះ ទោះសង្កត់ក្បាលវាចុះទឹកក៏នៅតែអត់ឃើញទឹកចូល មាត់វា។ ឃើញដូច្នេះបុរសម្នាក់ និយាយប្រាប់បុរសម្នាក់ទៀត ៖

 - បងឯងទៅបឺតគូទវាទៅ ចំណែកខ្ញុំសង្កត់ក្បាលវាចុះក្នុងទឹក ។ មានកំលាំងបឺតពីក្រោយ ទោះវាអត់ព្រមផឹកក៏ ទឹកចូលពោះវាដែរ ។  ឮដូច្នេះបុរសនោះរត់ទៅចំហៀងគូទអូដ្ឋ ប្រឹងបឺតពេញទំហឹង តែមិន យូរប៉ុន្មានស្រាប់តែ ដក មាត់ចេញព្រួសផែតៗចុះដី រួចស្រែកប្រាប់គ្នីគ្នា ៖

 - កុំសង្កត់ក្បាលវាជ្រៅពេក ភក់ចូលពេញមាត់ខ្ញុំហើយ ។